ჭყონდიდის ეპარქიის დედების ნაწილი აცხადებს, რომ ეპარქიის დროებითი მმართველის, მეუფე გრიგოლის წირვას არ დაესწრებიან.

"დავდგები მსახურებაზე ნებისმიერ მონასტერში, სადაც არ იქნება მეუფე გრიგოლი... ჩვენც გვაქვს მონასტერში ტაძარი და ვისაც განამწესებენ და მამაო ვინც იქნება, ვივლით იქ", — განუცხადა დედა სოსანემ ჟურნალისტებს.

ამ დრომდე ჭყონდიდის ეპარქიაში გადაბარება მიმდინარეობს. ისევ უცნობია სად წავა მეუფე პეტრე გადაბარების შემდეგ. ცნობილია, რომ ის არ აპირებს პატრიარქის ბრძანებას დაემორჩილოს და შიომღვიმის მონასტერში წავიდეს მოსანანიებლად.

31 ოქტომბერს გამართული სინოდის სხდომის დასრულების შემდეგ მეუფე პეტრემ განაცხადა, რომ ეკლესიაში მამათმავლობის ცოდვის მხილების გამო ილია მპატრიარქს ეორემ მღვდელმთავრობიდან გადააყენა. მოგვიანებით კი აღნიშნა, რომ თავად პატრიარქია "პიდარასტიისა და მამათმავლობის ცოდვით შეპყრობილი".

მეუფე პეტრემ განმარტა, რომ სიტყვა "პიდარასტიაში" "ჭაბუკის გამხრწნელი" იგულისხმა. მისი თქმით, ეს საეკლესიო ტერმინია და სხვას ვერაფერს დაარქმევს.

სინოდის სხდომის განჩინებით, პეტრე ცაავას აეკრძალა მღვდელმოქმედება, გათავისუფლდა სინოდის წევრობიდან და ჭყონდიდის ეპარქიის ხელმძღვანელობიდან და "მოსანანიებლად" მონასტერში იქნა გამწესებული. მეუფე პეტრე შიომღვიმეში წასვლაზე უარს აცხადებს.

მასალაში გამოყენებული მეუფე პეტრეს შეფასება გამოხატულია ჰომოფობიური სიტყვებით, თუმცა მაღალი საჯარო ინტერესიდან გამომდინარე On.ge მის სიტყვებს უცვლელად გთავაზობთ.