რუსეთის მართლმადიდებელი ეკლესიის საგარეო საქმეთა ურთიერთობის ხელმძღვანელი, მიტროპოლიტი ილარიონი აცხადებს, რომ ელადის, იგივე საბერძნეთის ეკლესიის მთავარეპისკოპოს იერონიმე მეორესთან ევქარისტულ კავშირს წყვეტენ. მიზეზი გახდა ის, რომ იერონიმე მეორემ უკრაინის მართლმადიდებელი ეკლესიის მიტროპოლიტ ეპიფანეს წერილი მისწერა, რომელშიც უკრაინის ეკლესიის ავტოკეფალია ოფიციალურად აღიარა.

მიტროპოლიტი ილარიონის თქმით, ღვთისმსახურების დროს პატრიარქი კირილე დიფტიქში იეორნიმე მეორეს აღარ მოიხსენიებს ისევე, როგორც არ მოიხსენიებს კონსტანტინეპოლის პატრიარქ ბართლომეს.

მანამდე რუსეთის ეკლესიის სინოდმა დაადგინა, რომ ისინი ელადის ეკლესიის იმ მღვდელმსახურებთან წყვეტენ ევქარისტულ ურთიერთობას, ვინც უკრაინის ეკლესიის ავტოკეფალია აღიარა.

გარდა ამისა, რუსეთის ეკლესიაში აცხადებენ, რომ ისინი არ წყვეტენ კავშირს მთლიანად ელადის ეკლესიასთან, რადგან არიან მღვდელმსახურები, რომლებიც უკრაინის ეკლესიის ავტოკეფალიას არ აღიარებენ.

ელადის მართლმადიდებელი ეკლესია რიგით მეორე ავტოკეფალური მართლმადიდებელი ეკლესიაა, რომელმაც უკრაინის ეკლესიის ავტოკეფალია აღიარა.

2018 წლის 5 დეკემბერს უკრაინის მართლმადიდებელი ეკლესია შეიქმნა, რომელსაც სათავეში მიტროპოლიტი ეპიფანე ჩაუდგა. 2019 წლის 5 იანვარს სტამბოლში ხელი მოეწერა უკრაინის ეკლესიის ავტოკეფალიის ტომოსს.

უკრაინის მართლმადიდებელი ეკლესიის მოსკოვის საპატრიარქო ავტოკეფალიას არ აღიარებს. ასევე, მის აღიარებაზე უარს აცხადებს რუსეთის ეკლესია.