საქართველოს პროკურატურის ინფორმაციით, ძმის მკვლელობისთვის ძმას 16 წლით თავისუფლების აღკვეთა მიესაჯა. განაჩემი ქუთაისის საქალაქო სასამართლომ გამოიტანა.

"სასამართლომ სრულად გაიზიარა პროკურატურის მიერ წარდგენილი მტკიცებულებები და ოჯახის წევრის განზრახ მკვლელობაში, ჯანმრთელობის განზრახ მსუბუქ დაზიანებაში, ცეცხლსასროლი იარაღის მართლსაწინააღმდეგოდ შენახვასა და ტარებაში ბრალდებული დამნაშავედ ცნო", — აცხადებენ საგამოძიებო უწყებაში.

გამოძიების ინფორმაციით, ბრალდებულმა 2019 წლის პირველ თებერვალს ზესტაფონში, სოფელ მარტოთუბანში, ურთიერთშელაპარაკების ნიადაგზე ცეცხლსასროლი იარაღიდან მეზობელს მსუბუქი დაზიანება მიაყენა და ძმას თავის არეში ესროლა.

პროკურატურაში აცხადებენ, რომ მას ბრალდება საქართველოს სისხლის სამართლის კოდექსის რამდენიმე მუხლით წაუყენეს:

  • 111-109-ე მუხლის მეორე ნაწილის "ვ" ქვეპუნქტით, (განზრახ მკვლელობა დამამძიმებელ გარემოებაში);
  • 120-ე მუხლის პირველი ნაწილით, (ჯანმრთელობის განზრახ მსუბუქი დაზიანება);
  • 236-ე მუხლის მესამე და მეოთხე ნაწილით (ცეცხლსასროლი იარაღის მართლსაწინააღმდეგოდ შენახვა და ატარებდა).