2018 წლის თებერვალში ოფიციალურად გახდა ცნობილი, რომ HBO-ს ამ ცნობილი პროექტის შემქნელები, დევიდ ბენიოფი და დი ბი უაისი Star Wars-ის ფრენჩაიზის ახალ ტრილოგიას გადაიღებდნენ.

თავის დროზე ეს ინფორმაცია უამრავი მაყურებლისთვის იმედისმომცემად ჟღერდა, რადგან GOT-ისა და Star Wars-ის სამყაროების რამენაირად გადაკვეთა ბევრისთვის საინტერესოდ გამოიყურებოდა. მაგრამ მალევე, როცა 2019 წელს GOT-ის ფინალური სეზონით გულშემატკივრების უკმაყოფილებამ პიკს მიაღწია, დევიდ ბენიოფისა და დი ბი უაისის Star Wars-თან დაკავშირება უკვე საეჭვო გახდა.

ამ ცნობილ სცენარისტებს ერთდროულად სამ ფილმზე უნდა ემუშავათ, რომელთა პრემიერაც 2022, 2024 და 2026 წლებში იყო დაგეგმილი. თუმცა სულ ცოტა ხნის წინ ცნობილი გახდა, რომ ისინი ამ მასშტაბური პროექტის განხორციელებაში მონაწილეობას აღარ მიიღებენ.

თავად ბენიოფმა და უაისმა ამის მიზეზად დროის უკმარისობა დაასახელეს:

"როცა ჯონ ლუკასმა Star Wars-ის სამყარო შექმნა, ამან ჩვენი ცხოვრებაც მთლიანად შეცვალა. მაგრამ ახლა, როცა Netflix-ის ახალ პროექტებზე ვმუშაობთ, ვეღარ ვახერხებთ, რომ სათანადო ყურადღება დავუთმოთ ამ ახალ ტრილოგიას".

შეგახსენებთ, რომ საკულტო სერიალი Game of Thrones ფინალური მერვე სეზონით დამთავრდა და სატელევიზიო შოუების ისტორიაში ერთი დიდი ეპოქის დასასრულს მაყურებელი არც ისე კარგად შეხვდა.

ამავე თემაზე: