პროსერვისის ინფორმაციით, რომლის სერვერებსაც ჰაკერები დაესხნენ თავს, 15 ათასი ვებგვერდი გაითიშა და კიბერთავდასხმა ბოლომდე მოგერიებული არ არის. ეს არის ბოლო ინფორმაცია, რაც დღეს, 28 ოქტომბრის კიბერთავდასხმაზეა ცნობილი.

"20:00 საათის მდგომარეობით აღდგენილია კომპანიის კუთვნილ სერვერებზე განთავსებული ვებგვერდების 50%-ზე მეტი", — განმარტავენ პროსერვისში.

კომპანიაში აცხადებენ, რომ პროცესი მთელი ღამის განმავლობაში გაგრძელდება და ვებგვერდების აღდგენა ხვალ დღის ბოლომდე იგეგმება.

28 ოქტომბერს ათასობით ვებგვერდზე დაჰაკვის შედეგად გამოჩნდა საქართველოს მესამე პრეზიდენტის, მიხეილ სააკაშვილის ფოტო, რომელსაც ჰქონდა წარწერა: I ll be back (მე დავბრუნდები). სხვადასხვა ქართულ ვებგვერდზე უნებართვო შეღწევისა და მონაცემების უნებართვო შეცვლის ფაქტზე გამოძიება სისხლის სამართლის კოდექსის 284-ე მუხლის პირველი ნაწილით და 286-ე მუხლის პირველი ნაწილით მიმდინარეობს.