ჰოვარდ სტერნის ცნობილი სტუმრობის შემდეგ, ელენ დეჯენერესმა ამჯერად მის საუკეთესო მეგობარს, ჯენიფერ ენისტონს აკოცა.

მსახიობი ცნობილი კომიკოსის პოპულარული სატელევიზიო შოუს ხშირი სტუმარია. ენისტონმა სტერნთან კოცნა თავად გაიხსენა და ელენს ჰკითხა:

"როგორი იყო? ისიამოვნე? ნერვიულობდი?"

ელენისა და რადიოწამყვანის კოცნის მიზეზი ამერიკისთვის იმის დავიწყება იყო, რომ ელენი ჯორჯ ბუშთან მეგობრობს. სოციალურ მედიაში დღეების განმავლობაში განიხილავდნენ ლიბერალი კომიკოსისა და კონსერვატორი ყოფილი პრეზიდენტის მეგობრობას, რომელიც მათ საერთო ფოტოს მოჰყვა.

"შენ ასეთი რამეები აღაგზნებს?" — კითხვითვე უპასუხა ელენმა ჯენს, რის შემდეგაც ენისტონმა ჰკითხა, ბოლოს როდის აკოცა კაცს. ელენმა უპასუხა, რომ მათ სულ კოცნის, მაგრამ ამას სექსუალური ხასიათი არ აქვს. სწორედ ამ დროს დაინტერესდა ელენი, თუ როდის აკოცა ჯენიფერმა ბოლოს გოგოს, რაც მსახიობს აღარ ახსოვდა. ამის შემდეგ ელენი მისკენ გადაიხარა და მეგობრებმა ერთმანეთს აკოცეს.

მოგვიანებით ელენმა ენისტონი იმაშიც დაითანხმა, რომ ამ კადრს თავის სუპერპოპულარულ ინსტაგრამზე დადებდა. გადაცემა NBC-ზე სრულად დღეს გავა.

ამავე თემაზე: