"რელიგია ოპიუმია ხალხისთვის" - კარლ მარქსის ეს ცნობილი ფრაზა საბჭოთა კავშირის ფორმირებისას ამ ტოტალიტარული სახელმწიფოს პოლიტიკის ერთ-ერთი მთავარი განმსაზღვრელი გახდა. ყველასთვის ცნობილია, რომ ამის გამო სამოცდაათი წლის განმავლობაში საბჭოთა კავშირში ათეიზმიც რეპრესიის ერთ-ერთი მანქანა იყო, რომელიც რელიგიის ყოველგვარ გამოვლინებას მკაცრად კრძალავდა.

ეს მკვეთრი ანტირელიგიური დამოკიდებულება ისტორიას იმდროინდელმა პოლიტიკურმა პოსტერებმა და სხვადასხვა ჟურნალ-გაზეთებში განთავსებულმა ილუსტრაციებმა შემოუნახა. როლანდ ელიოტ ბრაუნმა თავის წიგნში სწორედ მსგავს მასალებს მოუყარა თავი, რომელთა ნაწილს ახლა სწორედ ამ სტატიაში შემოგთავაზებთ.

1923 წლის ილუსტრაცია ერთ-ერთი ყველაზე ცნობილი ანტირელიგიური ჟურნალიდან, რომელზეც გამოსახულია, თუ როგორ გააძევა წმინდა ოჯახი სახელმწიფოდან ბოლშევიკურმა რევოლუციამ.

1924 წლის კარიკატურა, რომელზეც ღმერთი მსგავს სიტყვებს ამბობს: "იმედები გამიცრუეთ, ჩემო მსახურებო. სირცხვილით დედამიწაზე აღარ დამედგომება".

საბჭოთა კავშირში უამრავი შენობის კედელზე იპოვიდით ამ პოსტერს: "გულისა და გონების ციხე".

რა თქმა უნდა, 1961 წელს იური გაგარინის კოსმოსში გაფრენას შესაბამისი სახელმწიფო პროპაგანდაც გამოეხმაურა. მაგალითად, 1975 წელს შექმნილ ამ ილუსტრაციაზე გამოსახული კოსმონავტი ამბობს, რომ კოსმოსში ღმერთი ვერ იპოვა.

"კათოლიკური ეკლესიის ნამდვილი სახე" - 1934 წელს შესრულებულ ამ ნახატზე გამოსახულია რომის პაპი ჩონჩხისა და ობობას ფორმებით, რომლის შუამდგომლობითაც მარქსის, ლენინისა და დარვინის წიგნებს წვავენ.

"ლოთი და მღვდელი ერთნაირად მავნებელია" - 1930 წელი.

1977 წლის პოსტერი, რომელიც აჩვენებს, თუ როგორ უთხრის ძირს საბჭოთა სულისკვეთებას დასავლეთიდან რადიოთი გადმოცემული ინფორმაცია.

"სინათლე სიბნელის წინააღმდეგ" - 1981 წლის პროპაგანდისტულ ნახატზე ბებიას შვილიშვილი ეკლესიაში იძულებით მიჰყავს.

საბჭოთა კავშირში იეჰოვას მოწმეებიც ერთ-ერთ ყველაზე საშიშ აგენტებად იყვნენ მიჩნეულნი, რომლებიც ანტისაბჭოური ორგანიზაციისთვის მუშაობდნენ.

"როგორ ცდილობენ საბჭოთა ადამიანი ბიბლიით შეაცდინონ", 1962 წელი.

კვლავ ორი მხარე - სიბნელეში მუხლებზე დავარდნილი, უბედური "ღმერთის მონები", მეორე მხარეს კი ნათელში მყოფი საბჭოელი "ცხოვრების ოსტატები".

1984 წლის ილუსტრაციაში ჰიპურად გამოწყობილი იესო ქრისტე კაპიტალიზმის სიმბოლოდაა წარმოდგენილი.

ამ პოსტერზე გამოსახული საშიში კაცი თავისი ჩრდილით ჯვრის ფორმას ქმნის, რომელსაც რელიგია აწერია. პოსტერი მის მნახველებს მოუწოდებდა: "გადააბიჯე ამ ბოროტ ჩრდილს და მხიარულ საზოგადოებას შეუერთდი!"

საბჭოთა კავშირში მხოლოდ ქრისტიანობას არ ებრძოდნენ. 1977 წელს შესრულებული ამ ილუსტრაციის სამიზნე ჯგუფი მუსლიმი მოსახლეობა იყო და ქალის ჩაგრულ ყოფას გამოხატავდა: ვირზე შემომჯდარი კაცი მუსლიმ ქალს თავისი მხრებით მიჰყავს.