ერთიანი ნაციონალური მოძრაობის ერთ-ერთი ლიდერი, ნიკა მელია ამბობს, რომ თუ ქართული ოცნება პარლამენტში საკონსიტუციო უმრავლესობით შევა, შესაძლოა, ივანიშვილმა დღეისთვის შეუძლებელი შესაძლებლად აქციოს:

"ყველა ამომრჩეველი, ვინც არ არის მზად მიიღოს მოცემულობა, რომ საკუთრებაში წაიღოს ივანიშვილმა ქვეყანა და საკონსტიტუციო უმრავლესობა მოიპოვოს, ბუნებრივია, არჩევანი უნდა გააკეთოს და ეს ასეც იქნება, ივანიშვილის საკონსტიტუციო უმრავლესობის საწინააღმდეგო და ყველა გონიერი პოლიტიკოსიც, ბუნებრივია, ასეც უნდა იქცეოდეს. ამიტომ, ეს არ არის ის არჩევნები, რომელიც მხოლოდ ნაციონალურ მოძრაობას უნდა ანაღვლებდეს და რომელიმე ცალკე აღებულ ოპოზიციურ გაერთიანებას. ამ არჩევნების მეორე ტური იმდენად მნიშვნელოვანია, რამდენადაც შეიძლება უბრალოდ ივანიშვილმა, საკონსტიტუციო უმრავლესობის პირობებში, თბილისს გადაარქვას სახელი ან შეუძლებელი დღეისთვის, შესაძლებელი გახადოს".