ჩხოროწყუს მერიის ინფორმაციით, სულგუნის მომზადებაში ეროვნული რეკორდი დაამყარეს. ქალაქის 90 წლის იუბილეზე გამართულ ღონისძიებაზე ადგილობრივმა, იაგო დარსალიამ 34-კილოგრამიანი სულგუნი დაამზადა.

ფოტო: ჩხოროწყუს მერია

ფოტო: ჩხოროწყუს მერია

ჩხოროწყურ მერიის ინფორმაციით, საქართველოს რეკორდების ფედერაციამ მუნიციპალიტეტს შესაბამისი სერტიფიკატი გადასცა.

ფოტო: ჩხოროწყუს მერია

ფოტო: ჩხოროწყუს მერია

ჩხოროწყუს 90 წლის იუბილის აღსანიშნავად მუნიციპალიტეტში სახალხო ზეიმი "კოლხური შემოდგომა" გაიმართა. ღონისძებაზე გამოავლინეს ქალაქის საპატიო მოქალაქეები, გაფორმდა ურთიერთთანამშრომლობის მემორანდუმი ლიეტუვის ქალაქ მოლეტაისთან.

ფოტო: ჩხოროწყუს მერია

ფოტო: ჩხოროწყუს მერია

ასევე, გაიხსნა პირველი პრეზიდენტის, ზვიად გამსახურდიას ბიუსტი და გაიმართა სპორტული და სხვა გასართობი ღონისძიებები. მერიის ინფორმაციით, სპორტულ ღონისძიებებში გამარჯვებულები დაჯილდოვდნენ დიპლომებითა და სამახსოვრო პრიზებით.