გარდაბნის რაიონის ერთ-ერთ სოფელში გეოგრაფიის მასწავლებელ კაცს ბოდიშის მოხდას აიძულებდნენ, რადგანაც მან ფეისბუქზე ქორწინებისთვის გოგოს გატაცება გააპროტესტა.

მთავარის ინფორმაციით, ახალგაზრდა მასწავლებელი სოფელში დაიბარეს და ბოდიშის მოხდა საჯაროდ მოსთხოვეს. არხის ინფორმაციით, მასწავლებელზე ზეწოლა ვიდეოთი გადაიღეს და შემდეგ სოციალური ქსელით გაავრცელეს.

შინაგან საქმეთა სამინისტროში On.ge-ს უთხრეს, რომ მასწავლებელი გამოკითხვაზე დაიბარეს და გამოძიება დაიწყეს. აღნიშნულ შემთხვევასთან დაკავშირებით გამოძიება სისხლის სამართლის კოდექსის 150-ე მუხლით მიმდინარეობს, რაც იძულებას გულისხმობს.