ახალი არაფერია იმაში, რომ პლასტმასის ნარჩენებით გარემოს დანაგვიანება მსოფლიოს ერთ-ერთი მთავარი გამოწვევაა.

თუმცა, კარგი ის არის, რომ იტალიაში, ამ პრობლემის გადაჭრის პროცესს საკმაოდ ახლებურად და კრეატიულად მიუდგნენ და გამოსავალიც მოძებნეს.

მაშინ, როდესაც ადამიანები პლასტმასის გამოყენებაზე მაქსიმალურად უარის თქმას ვცდილობთ, პასტას ჩხირები შეიძლება საუკეთესო გამოსავალიც კი აღმოჩნდეს — დიახ, იტალიის ბარებში ჩვეულებრივი საწრუპები, მოგრძო ფორმის პასტათი ჩაანაცვლეს.

ფოტო: stroodles

reddit.com-ის ერთ-ერთმა მომხმარებელმა საიტზე საკმაოდ საინტერესო ფოტოები ატვირთა, რომელიც იტალიელების მიერ მოფიქრებულ გზას ასახავს, თუ, როგორ უნდა ავირიდოთ თავიდან გარემოს დაბინძურება.

პოსტს საკმაოდ დიდი და დადებითი გამოხმაურება მოჰყვა და ყველა ერთხმად შეთანხმდა, რომ პლასტმასის საწრუპების პასტას ჩხირებით ჩანაცვლება გარემოს უამრავ პრობლემას აარიდებს თავიდან.

ფოტო: stroodles

ფოტო: stroodles

აღსანიშნავია, რომ უკვე არსებობს კომპანია, რომელიც პასტას საწრუპებს ყიდის და ვფიქრობთ, რომ ეს პრაქტიკა საქართველოშიც არ იქნებოდა ურიგო.