იტალიის პარლამენტში დეპუტატთა რაოდენობა თითქმის მესამედით შემცირდა. ცვლილების მიხედვით, საკანონმდებლო ორგანოს ქვედა პალატაში დეპუტატების რაოდენობა 630-დან 400-მდე შემცირდა, ხოლო სენატში — 315-დან 200-მდე. აღნიშნული ცვლილება 2023 წლის საპარლამენტო არჩევნებისთვის შევა ძალაში.

დიდი ბრიტანეთის შემდეგ პარლამენტში დეპუტატების რაოდენობით იტალია ევროპაში მეორე ქვეყანაა. პოპულისტური პარტიები ხშირად ამბობდნენ, რომ კანონმდებელთა შემცირებით ხარჯებიც მნიშვნელოვნად შემცირდებოდა.

"ეს ისტორიული რეფორმაა, იტალიელი მოქალაქეები უდიდესი გამარჯვება", — განაცხადა ხუთი ვარსკვლავის მოძრაობის ლიდერმა, ლუიჯი დი-მაიომ.

ხუთი ვარსკვლავის მოძრაობა აცხადებს, რომ სამომავლოდ ათეულობით მილიონი ევრო შეინახება. თუმცა კრიტიკოსები ამტკიცებენ, რომ დეპუტატების შემცირებით დემოკრატია შესუსტდება და ლობისტების გავლენა გაიზრდება.