დღეს მედიაში ვრცელდებოდა ინფორმაცია იმასთან დაკავშირებით, რომ, შესაძლოა, პაატა ბურჭულაძე პოლიტიკიდან წავიდეს, თუმცა, აღნიშნულს არც უარყოფს და არც ადასტურებს თავად ბურჭულაძე.

ჟურნალისტების შეკითხვას, დარჩება თუ არა ის პოლიტიკაში, მან უპასუხა:

"ვნახოთ, მემგონი კი. კი, ვრჩები. მე ვარ პოლიტიკაში, როგორც ვიყავი.ყველაფერი ისეა, როგორც იყო. მე მეტის განცხადებას არ ვაპირებ. ორ დღეში გავაკეთებ ბრიფინგს და მანამდე უნდა მოველაპარაკო ჩემს გუნდს."

ბურჭულაძის ბლოკის წარმომადგენელმა, დავით ჯანდიერმა კი განაცხადა, რომ "გარკვეულ ტაიმაუტს იღებს":

"გარკვეულ ტაიმაუტს ვიღებ. მჭირდება მეც გარკვეულ საკითხებზე ჩამოყალიბება. პარტიის დაშლაზე საუბარი არ არის, თუმცა, საუბარი შეიძლება იყოს იმაზე, თუ რა ფორმით შეიძლება გააგრძელონ ცალკეულმა ლიდერებმა, იყვნენ თუ არა ლიდერები".