ცესკოს პრესსპიკერის, ანა მიქელაძის განმარტებით, იმ შემთხვევაში, თუ პატრიოტთა ალიანსის მიერ მიღებულ ხმათა რაოდენობის პროცენტული მაჩვენებელი - 4,998 არ შეიცვლება, ცესკო იმსჯელებს იმაზე, გადალახავს თუ არა პოლიტიკური სუბიექტი ბარიერს და შევა თუ არა ის პარლამენტში. მიქელაძის განცხადებით, ცესკოს ამისთვის 19 დღიანი ვადა აქვს.

ცესკოს პრესსპიკერის თქმით, ამ დროისთვის მხოლოდ პატრიოტთა ალიანსს ჯამში 88 132 ხმა აქვს მიღებული. რაც შეეხება ცესკოს მთლიან მონაცემებს, უწყებას ამ ეტაპზე უბნების 99.92 პროცენტის დათვლის შედეგი აქვს. მისი თქმით, მხოლოდ 3 საარჩევნო უბნის მონაცემები არ არის დათვლილი.