Sony Pictures და Marvel ერთად მუშაობას განაგრძობენ. Spider-Man-ის ფრენჩაიზის უფლებების მფლობელისა და უოლტ დისნეის სტუდიის ერთობლივი განცხადების მიხედვით, მარველის პრეზიდენტი, კევინ ფეიჯი ადამიანი ობობას კიდევ ერთ ფილმს გაუწევს პროდიუსერობას.

ახალ ფილმში ბრუნდება ადამიანი ობობას როლის შემსრულებელი ტომ ჰოლანდი. ფილმის პრემიერა 2021 წლის 16 ივლისშია დაგეგმილი.

კომპანიებმა ასევე მიაღწიეს შეთანხმებას იმის შესახებ, რომ სუპერგმირი მარველის მომავალ ფილმებში გამოჩნდება.

სიახლეს ინსტაგრამზე გამოეხმაურა ტომ ჰოლანდი და ნაწყვეტი დაპოსტა 2013 წლის ფილმიდან The Wolf of Wall Street, რომელშიც ლეონარდო დიკაპრიოს გმირი თანამშრომლებს ეუბნება, რომ "არ მიდის".

View this post on Instagram

😏

A post shared by Tom Holland (@tomholland2013) on

სიახლეს სახალისო გიფით გამოეხმაურა ფილმში მიშელის როლის შემსრულებელი ზენდაია.

ინფორმაცია იმაზე, რომ ადამიანი ობობა მარველის კინოსამყაროს ტოვებდა, აგვისტოში გავრცელდა. ამის მიზეზი Sony-სა და Disney-ის შორის არსებული ფინანსური უთანხმოება იყო.