თურქმენეთში პრეზიდენტ გურბანგულ ბერდიმუჰამედოვის წიგნის, თურქმენული ალაბაის გამოცემას მეექვსე დღეა ზეიმობენ. პრეზიდენტმა მორიგი წიგნი შუააზიურ ნაგაზზე დაწერა.

წიგნის პრეზენტაცია 13 სექტემბერს მინისტრთა კაბინეტის წინაშე მოეწყო. ბერდიმუჰამედოვმა წიგნი მინისტრებს აჩუქა და წაიკითხა საკუთარი ლექსიც, რომელიც შუააზიურ ნაგაზს მიუძღვნა. მეორე დღეს საზეიმო ღონისძიება გაიმართა, სადაც პრეზიდენტის ლექსების მიხედვით სიმღერა თურქმენული ალაბაის პრეზენტაცია მოეწყო.

წიგნის პრეზენტაცია საზოგადოებრივ ცენტრში 16 სექტემბერსაც იყო. მას პარლამენტის, სამინისტროებისა და სხვადასხვა უწყების წარმომადგენლები დაესწრნენ. კიდევ ერთი პრეზენტაცია 17 სექტემბერს მოეწყო სასოფლო-სამეურნეო კომპლექსში. გუშინ, 18 სექტემბერს კი შუააზიური ნაგაზის საშენი გაიხსნა.

გურბანგული ბერდიმუჰამედოვი თურქმენეთის პრეზიდენტი 2006 წელს გახდა. მას შემდეგ მას 40-ზე მეტი წიგნი აქვს გამოცემული, მათ შორის თურქმენულ სამზარეულოზე, ნოხებზე, მუსიკაზე, გამონათქვამებზე, სამკურნალო ბალახებსა და სპორტზე. მის წიგნებს სახელმწიფო არხებზე კითხულობენ და სკოლაში ასწავლიან.