NDI-ს კვლევის მიხედვით, მოსახლეობის უმრავლესობა 20 ივნისის ღამის ძალადობაზე პასუხისმგებლობას ხელისუფლებასა და მასთან დაკავშირებულ ინსტიტუტებს აკისრებს.

კვლევაში აღნიშნულია, რომ აქციის შესახებ მოსახლეობის 92 პროცენტს სმენია, მათგან პასუხისმგებლობას ხელისუფლებასთან დაკავშირებულ ინსტიტუტებს 55 პროცენტი აკისრებს. 14 პროცენტი ამბობს, რომ ყველა ერთნაირად პასუხისმგებელია. მხოლოდ 8 პროცენტი აღნიშნავს, რომ პასუხისმგებელია ნაციონალური მოძრაობა, ხოლო 7 პროცენტი მთლიანად ოპოზიცია. გიორგი გახარიას პასუხისმგებლობას 9 პროცენტი აკისრებს.

ფოტო: NDI

კვლევის თანახმად, მოსახლეობის 59 ფიქრობს, რომ მთავრობამ 20 ივნისის მოვლენებსა და შემდგომ საპროტესტო აქციებს ცუდად უპასუხა. მხოლოდ 23 პროცენტი აღნიშნავს, რომ მთავრობის პასუხი კარგი იყო.

ფოტო: NDI

კვლევა 2019 წლის 13-29 ივლისის პერიოდში ჩატარდა. გამოიკითხა საქართველოს მასშტაბით 2 131 ადამიანი პირისპირ ინტერვიუს წარმომადგენლობითი შერჩევის საფუძველზე. გამოკითხვის საშუალო ცდომილების ზღვარი არის +/- 1,7%.