მოქალაქე ანა კუპრეიშვილი ამბობს, რომ კრწანისის ქუჩაზე მდებარე 15-ე საარჩევნო უბანზე მოქალაქეებს, რომელთა გვარი ანბანში ე-დან ნ-მდე ასოზე იწყებოდა, რიგში აყენებდნენ და ამგვარად ხელოვნურ რიგს ქმნიდნენ:

"4 მაგიდა იყო სულ, აქედან 3 მაგიდაზე გადანაწილებული იყო 300-300 ამომრჩეელი, მხოლოდ ერთზე იყო 600-ზე მეტი, სადაც იყო მოხვედრილი ასო ე-დან ნ-მდე გვარები და, ბუნებრივია, იქმნებოდა რიგი. დანარჩენი 3 მაგიდა სულ თავისუფალი იყო. ხალხი ითხოვდა, რომ გაეყოთ ის 600 კაციც ანუ ასო ე-დან ნ-მდე გვარები, რაზეც რეაგირებას არ ახდენდნენ. მიზეზად კი მოჰქონდათ კ მ ნ ასოებზე დაწყებული გვარების სიმრავლე".

მოქალაქე ანა კუპრეიშვილი განმარტავს, რომ, მაგალითად, ამომრჩეველს, რომლის გვარიც ბ ასოზე იწყებოდა ზემოაღნიშნულ რიგში ჩადგომა არ უწევდა. კუპრეიშვილი ამბობს, რომ დიდი რიგის გამო, მოქალაქეთა ნაწილი საარჩევნო უბანს ტოვებდა და თავის არჩევანს არ აფიქსირებდა.