"წავედი, უბრალოდ დავისვენე", — ასე უპასუხა ირაკლი ღარიბაშვილმა დეპუტატ ლევან გოგიჩაიშვილის კითხვას, თუ რატომ გადადგა ის პრემიერი-მინისტრის თანამდებობიდან.

"მე ჩემს გამოსვლაში ავხსენი, თუ რატომ გადავდექი, ამის იქით დამატებით მიზეზებზე საუბარი არ მიმაჩნია სწორად. მე ასე ჩავთვალე იმ დროს, ასეთი შეთანხმება მოხდა კოალიციაში გუნდში", — განაცხადა ღარიბაშვილმა.

ირაკლი ღარიბაშვილი საქართველოს პრემიერ-მინისტრის პოსტს 2013 წლის ნოემბრიდან 2015 წლის დეკემბრამდე იკავებდა. ღარიბაშვილმა თანამდებობა 30 დეკემბერს დატოვა და საზოგადოებას ამის შესახებ სატელევიზიო მიმართვით აცნობა.

გადადგომის შემდეგ მან საჯარო პოლიტიკაც დატოვა. 2019 წლის მარტში ირაკლი ღარიბაშვილი პოლიტიკაში დაბრუნდა და ქართულ ოცნებაში პოლიტიკური მდივნის თანამდებობა დაიკავა. დაბრუნებიდან რამდენიმე თვეში კი პრემიერ-მინისტრობის კანდიდატმა, გიორგი გახარიამ ის თავდაცვის მინისტრის კანდიდატად წარადგინა.