პატრიოტთა ალიანსის ლიდერი, ირმა ინაშვილი აცხადებს, რომ მთავრობის წარმოდგენილ ხელმძღვანელობას მხარს არ დაუჭერს, თუმცა, განხილვებს დაესწრება.

მისივე განცხადებით, ქართული ოცნება ოპოზიციას სამთავრობო ცვლილებების პროცესში არ რთავს.

"ცვლილებები, რასაც წარმოადგენს მთავრობა, მოკლებულია მეცნიერულ ანალიზს. რჩება განცდა, რომ ეს ყველაფერი სპონტანურადაა წარმოდგენილი პარლამენტში. ან რატომ ერთიანდება, ან რატომ იშლება, მეცნიერული მიდგომა სამწუხაროდ არ არსებობს, რატომ ინიშნება ესა თუ ის პირი. რატომ არ როგორ უნდა დავუჭიროთ მხარი მთავრობის ამ შემადგენლობას, როცა ჩვენ ვერ ავიღებთ პასუხისმგებლობას, ჩვენი წარმოდგენილი მთავრობა არ არის და არავითარ კონსულტაცია მთავრობა ოპოზიციასთან არ გადის, თუ რა ცვლილებას აპირებს. ჩავერთვებით განხილვებში, დავუსვამთ კითხვებს და მხარს არ დავუჭერთ", — ამბობს ინაშვილი.

საქართველოს პარლამენტში მთავრობის დამტკიცების პროცედურა დღეს, 4 სექტემბერს დაიწყო. პირველი მინისტრობის კანდიდატი, რომელსაც გაერთიანებულ კომიტეტზე უსმენენ, საგარეო საქმეთა მინისტრი დავით ზალკალიანია. დღესვე სამთავრობო პროგრამას წარადგენს ჯანდაცვის მინისტრი, ეკა ტიკარაძე და განათლების მინისტრი, მიხეილ ბატიაშვილი.