იტალიელმა მოქანდაკემ დანიელ ბასომ, იტალიის ქალაქ ფორტე დე მარმიში რკინის კაცს ძეგლი დაუდგა. ნამუშევრის ინსპირაცია Infinity War-ის მომდევნო ფილმი Spider-Man: Far From Home გახდა, სადაც გარდაცვლილი ტონი სტარკის საპატივცემულოდ ქალაქში ახალი ნამუშევრები ჩნდება, რომლითაც ადამიანები მის მიმართ მადლიერებას გამოხატავენ და ხსოვნას პატივს სცემენ.

ბასოს ნამუშევარი ოლტრე ვერსოს სახელოვნებო გამოფენის ნაწილია, სკულპტურას კი ოფიციალურად Man of Steel ჰქვია, რაც თავიდან სასაცილო, შემდეგ კი გამაღიზიანებელია, რადგანაც დისის კინოსამყაროში Man of Steel სუპერმენის 2013 წელს გამოსული სოლო ფილმის სახელია, რაც კომიქსების მოყვარულთათვის ყოველთვის სუპერმენთან ასოცირდება.

ავტორმა სკულპტურის ფოტოები თავადვე გაავრცელა ინსტაგრამზე, რასაც ფანების მყისიერი რეაქციები მოჰყვა.