საქართველოს საგარეო საქმეთა მინისტრობის კანდიდატი, დავით ზალკალიანი მიესალმება აშშ-ს ელჩობის კანდიდატის დასახელებას და აშშ-სთან თანამშრომლობის მნიშვნელობაზე ამახვილებს ყურადღებას. ამის შესახებ მან ჟურნალისტებსთან ისაუბრა.

"ამერიკა ჩვენი მთავარი სტრატეგიული პარტნიორია. აშშ-სთან ჩვენ გვაქვს მჭიდრო თანამშრომლობა. როგორც არასდროს, ისე მაღალია ჩვენი თანამშრომლობა ჩვენს მთავარ სტრატეგიულ პარტნიორთან. ეს არის ტრამპის ადმინისტრაციის მიერ დანიშნული პირველი ელჩი საქართველოში. მან გარკვეული პროცედურები უნდა გაიაროს, მათ შორის საკომიტეტო მოსმენები სენატში, როცა ეს პროცესი დასრულდება, ჩვენ მასთან აქტიურად ვითანამშრომლებთ", — ამბობს ზალკალიანი.

აშშ-ს პრეზიდენტმა, დონალდ ტრამპმა საქართველოში აშშ-ს საგანგებო და სრულუფლებიანი ელჩის კანდიდატურა დაასახელა. ამ თანამდებობაზე პრეზიდენტმა დიპლომატი კელი დენიანი წარადგინა.