GDG-ის ყოველწლიური დეველოპერების ფესტივალი Devfest 8 სექტემბერს
ტექნოპარკში ჩატარდება. დევფესტი თბილისის Google-ის ტექნოლოგიების ჯგუფის (GDG თბილისი) ორგანიზებით, კომპანია Google-თან და Fintech.ge-სთან პარტნიორობით გაიმართება.

ერთი დღის განმავლობაში მონაწილეებს საშუალება ექნებათ ერთმანეთს გაუზიარონ გამოცდილება, დაესწრონ სემინარებს, პრაქტიკულ CodeLab-ებს, ჩაერთონ დისკუსიებში ან უბრალოდ სასიამოვნოდ გაატარონ დრო.

ღონისძიებაში მონაწილეობას მიიღებს 10-ზე მეტი უცხოელი და ქართველი გამომსვლელი, მათ შორის, ისეთი კომპანიებიდან როგორიცაა Google, ADOBE და სხვა.

ერთდღიანი დევფესტი განკუთვნილია დეველოპერებისთვის, დიზაინერების, ციფრული პროდუქტის მენეჯერებისთვის, მათთვის, ვისაც აინტერესებს ტექნოლოგიები.

ღონისძიებაზე დასწრება უფასოა
სამუშაო ენა: ქართული და ინგლისური.

DevFest ანუ დეველოპერული ფესტივალი Google-ის დეველოპერების ჯგუფების მიერ მთელი მსოფლიოს მასშტაბით, შემოდგომის პერიოდში იმართება და ათასობით ადამიანს აერთიანებს. ფესტივალის ფარგლებში განიხილება ისეთი ტექნოლოგიები, როგორიცაა ხელოვნური ინტელექტი, ანდროიდი, ქლაუდ ტექნოლოგიები, UI/UX დიზაინი, გაფართოებული და ვირტუალური რეალობა და სხვა.