სკოლის პირველი დღე ამაღელვებელი შეიძლება იყოს, განსაკუთრებით მაშინ, თუ გარშემო მეგობრები და მხარდამჭერები არ გყავს. ამჯერად მსოფლიოს სიკეთისა და მეგობრობის მაგალითი ორმა კანზასელმა დაწყებითი კლასის მოსწავლემ აჩვენა.

8 წლის კრისტიანი დედამ სკოლაში მიიყვანა და აკვირდებოდა, როგორ მივიდა ის სწავლის დაწყების პირველ დღეს უცნობ ბიჭთან, რომელიც კუთხეში ტიროდა.

"ის მას თანაუგრძნობდა, ხელი ჩასჭიდა და კარებთან მიიყვანა. ელოდა, სანამ ზარი არ დაირეკებოდა და შემდეგ სკოლაში შეიყვანა", — ყვება კორტნი მური, კრისტიანის დედა.

როგორც მეორე ბავშვის, სახელად კონორის, დედამ, ეპრილ კრაიტსმა CNN-ს უთხრა, ბიჭს აუტისტური სპექტრის აშლილობა აქვს და იმის მიუხედავად, რომ სკოლის პირველ დღეს გახარებული იყო, ხმაურმა და ხალხის სიმრავლემ ააღელვა:

"ის ძალიან ემოციურია და მისი აღელვება მარტივია. ის ტირის, როცა მოწყენილია და მაშინაც, როცა ბედნიერია".

ფოტო: Courtney Coko Moore / Facebook

კონერი და კრისტიანი სკოლის პირველივე დღეს დამეგობრდნენ და უკვე ყოველ დღე ერთად თამაშობენ.

"ის ჩემთან მოვიდა, ხელი ჩამჭიდა და ბედნიერებისგან ცრემლები წამომივიდა. ძალიან მიყვარს", — ამბობს კონორი ახალ მეგობარზე.