ამერიკის სამოქალაქო უფლებების დამცველი როზა პარკსის საპატივსაცემოდ Barbie-მ ქალების თანასწორობის დღისთვის თოჯინა გამოუშვა.

პარკსი ამერიკაში ცნობილია როგორც "ადამიანთა უფლებების პირველი ლედი". 1955 წლის პირველ დეკემბერს, ალაბამაში ავტობუსით მგზავრობისას, მან, როგორც შავკანიანთა უფლებების ცნობილმა დამცველმა მძღოლს უარი განუცხადა თეთრკანიანი კაცისთვის ადგილის გათავისუფლების მოთხოვნაზე.

როზა პარკსი დააკავეს და ბრალი საზოგადოებრივი წესრიგის დარღვევაში დასდეს. ამ ინციდენტმა შავკანიანთა დიდი საპროტესტო აქცია გამოიწვია, რომელიც ცნობილია როგორც მონტგომერის ავტობუსების ბოიკოტი. პროტესტი საზოგადოებრივ ტრანსპორტში რასისტული სეგრეგაციის წინააღმდეგ იყო მიმართული. მარტინ ლუთერ კინგის ინიციატივით შავკანიანმა მოსახლეობამ საზოგადოებრივ ტრანსპორტს 381-დღიანი ბოიკოტი გამოუცხადა. მისი 100 წლის იუბილეს აღსანიშნად კი შეერთებული შტატების საფოსტო მომსახურებამ როზას პორტრეტის საფოსტო მარკა გამოსცა, 4 თებერვალს კი, მისი დაბადების დღეს, როზა პარკის დღე დააწესა.

ბარბიმ კოსმოსში პირველ ამერიკელ ქალს, სალი რაიდსაც მიუძღვნა საკუთარი თოჯინა.

პარკსისა და რაიდის თოჯინა ბარბის სერიის, შთამაგონებელი ქალების ნაწილია. ამ სერიის ფარგლებში გამოვიდა ფრიდა კალოს, ამელია ერჰარტის და სხვა ისტორიული ქალების თოჯინები.

ფოტო: Barbie / Twitter

ასევე იხილეთ: