საქართველოს ისტორიაში პირველად, რესპუბლიკურმა პარტიამ გადადგა ნაბიჯი და ამომრჩეველს, არჩევნებამდე ერთი დღით ადრე, პირველი ანტიჰომოფობიური წინასაარჩევნო ვიდეო #გავთავისუფლდეთ ჰომოფობიისგან! შესთავაზა.

მიუხედავად იმისა, რომ კლიპი ხანგრძლივობით ერთ წუთზე ნაკლებია, კარგად ჩანს ის პრობლემები რომლებსაც ლგბტ თემის წევრები ცხოვრებაში აწყდებიან, ამ შემთხვევაში ნაჩვენებია გარიყვა საკუთარი ოჯახისაგან.

ლგბტ აქტივისტი ლევან ბერიანიძე ამბობს, რომ ძალიან კარგია, როდესაც პოლიტიკური პარტია წინასაარჩევნო პერიოდში, წინასაარჩევნო ვიდეოში ჰომოფობიის თემას ეხება.

"ეს ბევრ რამეზე მეტყველებს - ამ ვიდეოს გადაღებას და წინასაარჩევნოდ გაშვებას ბევრი სიმამაცე სჭირდება", ამბობს ბერიანიძე.