საგანგებო სიტუაციების მართვის სამსახური ყვარელში, ახალსოფელთან ტყის ხანძარს ამ დრომდე ებრძვის. როგორც უწყებაში On.ge-ს უთხრეს, მთელი დღის განმავლობაში ადგილზე ორი ვერტმფრენი და ცოცხალი ძალა მუშაობდა. ცეცხლი გავრცელებულია ფოთლოვანი ტყის ქვედა საფარსა და ბუჩქებზე

მათივე თქმით, რთული რელიეფის გამო ხანძრის კერებამდე მძიმე ტექნიკის მისაყვანად გზის გაჭრა იგეგმება. ადგილზე შექმნილია სამუშაო შტაბი. სამუშაოები მთელი ღამის განმავლობაში გაგრძელდება.

შინაგან საქმეთა სამინისტროს გადაუდებელი დახმარების ოპერატიულ მართვის ცენტრ „112“-ში შემოსული ინფორმაციის თანახმად,
ყვარელში, სოფელ ახალსოფელში შეიმჩნეოდა ძლიერი დაკვამლიანება და ღია ცეცხლი.

საგანგებო სიტუაციების მართვის სამსახურმა ფაქტზე რეაგირება დაუყონებლივ მოახდინა. ადგილზე მთელი ღამის განმავლობაში მუშაობდნენ კახეთის სამმართველოს სახანძრო-სამაშველო ჯგუფები.

ხანძრის მოსახლეობაზე გადასვლის საფრთხე არ არსებობს.