ქობულეთში დამსვენებლებით სავსე სანაპიროზე ტრაქტორი მუშაობდა, რისი ამსახველი ვიდეოც ფეისბუქით გავრცელდა.

როგორც ქობულეთის მერიაში On.ge-ს უთხრეს, ზღვამ სანაპიროზე ხის დიდი კუნძები გამორიყა, რომლის ამოღებაც მხოლოდ ტექნიკის დახმარებით იყო შესაძლებელი.

"ტურისტების მოთხოვნისა და მომართვის გამო გადავწყვიტეთ, ტექნიკის გამოყენება ტურისტების ზღვაზე ყოფნის პერიოდში. სამწუხაროდ, სამუშაოები იმ პერიოდს დაემთხვა, როცა სანაპირო ზოლზე დამსვენებლები იმყოფებოდნენ", — აცხადებენ მერიაში და აღნიშნავენ, რომ ტრაქტორის მუშაობისას არავინ დაშავებულა.