გორის მუნიციპალიტეტის სოფელ საყავარესთან 40 ჰექტარი ტყე იწვის. საგანგებო სიტუაციების მართვის სამსახურში ამბობენ, რომ ცეცხლი უკიდია ქვედა საფარსა და შერეულ ტყეს.

ხანძრის ჩასაქრობად მობილიზებულია სასაზღვრო პოლიციის ორი ვერტმფრენი, ათი სახანძრო და სამი სამაშველო მანქანა, ცხრა დამხმარე ტექნიკა, 170 მეხანძრე-მაშველი. ადგილზე ეწყობა საველე შტაბი, საიდანაც მოხდება ტყის ხანძრის ქრობის სამუშაოების კოორდინაცია. უწყების განცხადებით, ოპერაციაში ჩართულია, როგორც შიდა ქართლის ყველა მუნიციპალიტეტის, ასევე სამცხე-ჯავახეთის და თბილისის სახანძრო-სამაშველო ჯგუფები.