ბოლო დროის ერთ-ერთი ყველაზე გამორჩეული სერიალი The Marvelous Mrs. Maisel მესამე სეზონისთვის ემზადება და შოუს ფანების მოლოდინიც უფრო და უფრო იმატებს.

ამაზონმა სერიალის პირველი ტიზერი გუშინ ღამით გამოუშვა.

რეიჩელ ბროსნაჰანის გმირი მეორე სეზონის ბოლოს მომღერალ შაი ბოლდუინთან ერთად ამერიკისა და ევროპის ტურნეზე მიდის. როგორც ცნობილია, ახალი სეზონისთვის გადაღებები ნიუ-იორკსა და მაიამიში მიმდინარეობდა. სერიალში ვიხილავთ მიწვეულ მსახიობს, სტერლინგ ბრაუნსაც.

შოუს მეორე სეზონს 2019 წლის ემიზე ხუთი ნომინაცია აქვს, მათ შორის საუკეთესო კომედიური სერიალის, მსახიობი ქალისა და მეორე ხარისხოვანი როლის შემსრულებლებისთვის.

სერიალის მესამე სეზონში 8 სერია იქნება და მისი პრემიერა 6 დეკემბერს შედგება.