კახა კალაძის შეფასებას, რომ ის გაკოტრებული პოლიტიკოსია უინტერესო წარსულით, აწმყოთი და მომავლით, ირაკლი ოქრუაშვილი რუსთავი 2-ის ეთერში პასუხობს და აცხადებს, რომ ვიცე პრემიერს ლექსიკის პრობლემები აქვს, ამიტომ თავს ვერ გაუყადრებს:

"თავს ვერ გავუყადრებ [კახა კალაძეს], იმიტომ, რომ ლექსიკაში აშკარად უჭირს. იყო დრო, როდესაც ფეხსაცმელებს მიწმინდავდა ორფოლოს პოლიგონზე. ასე რომ არ დავიწყებ მასთან კინკლაობას. როგორც ჩანს, საკმაოდ მძიმე დღეები უდგას, დაწყებული რუსთავი 2-ის საქმიდან, გაგრძელებული ამ ფაქტით. აშკარად მისმა ხელმძღვანელებმა ყური აუწიეს".

აღნიშნული განცხადებები პოლიტიკურმა სუბიექტებმა ოქრუაშვილზე ცეცხლსასროლი იარაღით თავდასხმის საქმეზე კომენტირებისას გააკეთეს. ირაკლი ოქრუაშვილზე თავდასხმაში ბრალდებული პირი 4 ოქტომბერს დააკავეს და მას დღეს წინასწარი პატიმრობა შეეფარდა.