ამერიკელი მსახიობი პიტერ ფონდა 79 წლის ასაკში, ლოს-ანჯელესში, საკუთარ სახლში გარდაიცვალა.

ფონდა კლასიკოსი მსახიობის, ჰენრი ფონდას შვილი და ჯეინ ფონდას უმცროსი ძმა იყო. ჰოლივუდის სამეფო ოჯახის მიერ გავრცელებული განცხადებით, გარდაცვალების მიზეზი ფილტვების კიბოა.

პიტერ ფონდამ პოპულარობა 60-იან წლებში მოიპოვა, განსაკუთრებით კი მისი თანაავტორობითა და მონაწილეობით გამოსული 1969 წლის ფილმით, Easy Rider.

"დამწუხრებული ვარ, ის ჩემი ტკბილი პატარა ძმა იყო, რომელიც ოჯახში ყველაზე მეტს ლაპარაკობდა", — განაცხადა ჯეინ ფონდამ.

პიტერ და ჯეინ ფონდა 2014 წელს, ლოს-ანჯელესში გამართულ წვეულებაზე.

ფოტო: Getty Images

"ეს ჩვენი ცხოვრების ყველაზე მძიმე მომენტია და არც კი შეგვიძლია ზუსტი სიტყვებით გამოვხატოთ ჩვენი გულის ტკივილი. გთხოვთ, პატივი სცეთ ჩვენს პირად სივრცეს და სანამ ჩვენ ამ ტკბილი და დიდებული კაცის გარდაცვალებას ვგლოვობთ, ვისურვებთ, რომ გახსოვდეთ მისი სიცოცხლის სიყვარული. გთხოვთ, პიტერის საპატივსაცემოდ ასწიოთ ჭიქები და იზეიმოთ თავისუფლება", — წერია ფონდას ოჯახის განცხადებაში.