კალიფორნიის სანაპირო ქალაქში, მონტერეიში გამართულ აუქციონზე ჯეიმს ბონდის ვინტაჟური ავტომობილი 6,4 მილიონ დოლარად გაიყიდა. ბონდის მანქანებისთვის ეს რეკორდული თანხაა.

1965 წლის ასტონ მარტინის მყიდველის ვინაობა უცნობია, რადგან მან ანონიმურად დარჩენა ისურვა.

მფლობელი სავარაუდოდ არ აპირებს ის საჯაროდ გზებზე ხშირად აჩვენოს, თუმცა კლასიკური მანქანის ქუჩაში მართვა ლეგალურია და ის მთლიანად მწყობრშია.

ფოტო: RM Sotheby's

მანქანა სპეციალურად 1965 წლის ბონდის ფილმისთვის, Thunderball შეიქმნა, თუმცა მასში საერთოდ არ გამოჩენილა და არც ბონდის როლის შემსრულებელ შონ კონერს უტარებია ოდესმე.

ფოტო: RM Sotheby's

ამის მიუხედავად, მას იგივე ფუნქციები აქვს, რაც ბონდის სხვა ფილმებში გამოჩენი ასტონ მარტინს, მისი უკანა ფანჯარა ტყვიაგაუმტარია და შინაარსობრივად აგენტი 007-ის მოთხოვნილებებს სრულად ერგება.

ფოტო: RM Sotheby's

ფოტო: RM Sotheby's

ბონდის ფილმებში გამოჩენილი სხვა ასტონ მარტინი DB5 ჯერ კიდევ 1997 წელს დაიკარგა. გავრცელებული ცნობებით, მოპარული მანქანა ამ დროისთვის განადგურებულია.

კადრი 1964 წლის ფილმიდან Goldfinger.