ანაკლიის განვითარების კონსორციუმის აღმასრულებელი დირექტორი, ლევან ახვლედიანი ამბობს, რომ კონსორციუმიდან კონტი ჯგუფის გასვლა პროექტს მნიშვნელოვნად არ დააზიანებს. ამის შესახებ მან ინფრასტრუქტურის სამინისტროსთან განაცხადა.

მისი თქმით, ბოლო პერიოდში კონტი ჯგუფს ძალიან პასიური როლი ჰქონდა.

"დეკემბერში მათ სამეთვალყურეო საბჭო დატოვეს და რჩებოდნენ მხოლოდ აქციონერებად. კონტის მიერ კონსორციუმის დატოვებაზე ლაპარაკი დიდი ხანია იყო დაწყებული. თვითონ ფაქტი არ არის სასიამოვნო, მაგრამ არ მომხდარა რაღაც ისეთი, რამაც შეიძლება კრიტიკულად დააზიანოს პროექტი", — თქვა ახვლედიანმა.

ანაკლიის განვითარების კონსორციუმი ერთ-ერთმა მთავარმა ინვესტორმა, ამერიკულმა კონტი ჯგუფმა დატოვა.