შინაგან საქმეთა სამინისტროს თანამშრომლებმა 1999 წელს დაბადებული რუსეთის ფედერაციის მოქალაქე დააკავეს, რომელსაც ფონიჭალაში მცხოვრები 17 წლის გოგოს გატაცება ედება ბრალად.

შსს-ს ვერსიით, დაკავებულმა 19 თებერვალს არასრულწლოვანი "ცოლად მოყვანის მიზნით" გაიტაცა და თავისუფლება აღუკვეთა.

გამოძიება სისხლის სამართლის კოდექსის 143-ე მუხლის "ა" და "ბ" პუნქტების მიხედვით მიმდინარეობს, რაც წინასწარი შეთანხმებით ჯგუფის მიერ არასრულწლოვნის მიმართ თავისუფლების უკანონოდ აღკვეთას გულისხმობს. დამტკიცების შემთხვევაში დანაშაული 7-დან 10 წლამდე პატიმრობით ისჯება.