ნიკა გვარამიას საქმის პროკურორის მტკიცებით, არ სმენია, რომ ის გირაოს გადახდას არ აპირებს. ამის შესახებ მან იმ სასამართლო სხდომაზე განაცხადა, სადაც რუსთავი 2-ის საქმეზე ნიკა გვარამიას ბრალი აქვს წაყენებული.

პროკურორის ამ ნათქვამს დარბაზში სიცილი მოჰყვა.

ნიკა გვარამია გირაოს გადახდას რომ არ აპირებდა, ამის შესახებ გუშინ, 9 აგვისტოს ბრალის წაყენების შემდეგ განაცხადა. გვარამიას კომენტარი არაერთი ონლაინმედიისა და ტელევიზიის ეთერში მოხვდა.

გუშინ, 9 აგვისტოს პროკურატურამ ნიკა გვარამიას ბრალი წაუყენა. მას არხის დირექტორად მუშაობის დროს საზიანო გადაწყვეტილების მიღებას ედავებიან.

გვარამიას წინააღმდეგ 16 ივლისს რუსთავი 2-ის 9-პროცენტიანი წილის ყოფილმა მფლობელმა, ნინო ნიჟარაძემ პროკურატურაში საჩივარი შეიტანა. ნიჟარაძე ტელეკომპანიის დირექტორის მიერ უფლებამოსილების ბოროტად გამოყენების მუხლით გამოძიების დაწყებას ითხოვდა. ისვე აცხადებდა, რომ გვარამიას გადაწყვეტილებებმა არხს ფინანსური ზიანი მიაყენა. სწორედ ამ საქმეზე აპირებს პროკურატურა ტელევიზიის ყოფილი დირექტორისთვის ბრალის წაყენებას.