ენმ-ს ერთ-ერთი ლიდერი, გივი თარგამაძე, რომლის მანქანაც გუშინ ააფეთქეს, პარტიის მხარდამჭერებს გვერდში დგომისა და სოლიდარობისთვის მადლობას უხდის. თარგამაძე ერთიანი ნაციონალური მოძრაობის აქციაზე სიტყვით რამდენიმე წუთის წინ გამოვიდა:

"მოგესალმებით, ჩემო მეგობრებო! მოგესალმებით, ჩემო თანამებრძოლებო! მადლობას გიხდით იმ თანადგომისთვის, რაც მე თითოეული თქვენგანისგან დავინახე. იმ მხნეობისთვის, რომ თქვენ აქ მოხვედით. უდიდეს მწუხარებას გამოვთქვამ, რომ, როდესაც ვიღაც არამზადებმა ჩემთან ანგარიშსწორება სცადეს, დაზარალდნენ ადამიანები. ერთ-ერთი ადამიანის მდგომარეობა მძიმეა და ვნატრობ, რომ ეს ადამიანი გადარჩეს. მე ვარ გივი თარგამაძე, არსებობდა კიდევ ერთი გივი თარგამაძე - ბაბუაჩემი, რომელიც გუშინდელი აფეთქების ადგილიდან სულ ასიოდე მეტრში 27 წლის ასაკში ოკუპანტებმა დახვრიტეს. მეორეს ვერ მივართმევ, ე არ გავჩერდები, თქვენ არ გაჩერდებით. საქართველო არ გაჩერდება, წავა წინ. საქართველოს გამარჯვებას გაუმარჯოს".