თბილისში, დიდ დიღომში, იმედის კლინიკასთან ქვეითად მოსიარულე ქალს და ბავშვს მანქანა დაეჯახა. შინაგან საქმეთა სამინისტროს ცნობით, მძღოლი შემთხვევის ადგილზეა. ბავშვი იაშვილის სახელობის ბავშვთა ცენტრალური საავადმყოფოში გადაიყვანეს. კლინიკის პრესსამსახურში On.ge-ს უთხრეს, რომ მისი მდგომარეობა მძიმეა, მოთავსებულია კრიტიკული მედიცინის ცენტრში და აქვს მრავლობითი დაზიანებები. დაშავებული ქალი ღუდუშაურის კლინიკაშია გადაყვანილი.

საქმეზე უკვე დაიწყო გამოძიება სისხლის სამართლის კოდექსის 276-ე მუხლის მეორე ნაწილით, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს. დანაშაული ისჯება ჯარიმით ან შინაპატიმრობით ვადით ექვსი თვიდან ორ წლამდე ანდა თავისუფლების აღკვეთით ვადით სამ წლამდე.