მას შემდეგ, რაც სერიალის 13 მიზეზი რატომ პირველი სეზონიდან ნეტფლიქსმა თვითმკვლელობის სცენა ამოჭრა, დაანონსდა მესამე სეზონიც, რომელსაც მაყურებელი წელიწადზე მეტია ელის.

დღეს გავრცელებულ პირველ ტრეილერში კი ვიგებთ, რომ სერიალის ერთ-ერთი მთავარი გმირი და მოძალადე ბრიუს ვოლქერი მესამე სეზონში ცოცხალი აღარაა. ამჯერად სკოლის მოსწავლეებს გასარკვევი აქვთ, თუ ვინ დგას მისი მკვლელობის უკან.

ნეტფლიქსმა სერიალის პრემიერის თარიღიც გვამცნო. 13 მიზეზი რატომ ჰანა ბეიკერის (კეტრინ ლენგფორდი) გარეშე 23 აგვისტოს დაბრუნდება.