მხევლის წიგნის მესამე სეზონი ჯერ არ დასრულებულა, თუმცა ტელეკომპანია Hulu-მ უკვე მეოთხე სეზონი დააანონსა. ტელეარხისთვის სერიალი ერთგვარი სავიზიტო ბარათია, რადგანაც ორიგინალი სერიალი მათ სტრიმინგ სერვისზე ყველაზე პოპულარული პროდუქტია.

სერიალის პირველმა სეზონმა რამდენიმე ემი მოიგო, მათ შორის: საუკეთესო სატელევიზიო დრამისთვის, საუკეთესო მთავარი ქალი მსახიობისა (ელიზაბეტ მოსი) და საუკეთესო მეორეხარისხოვანი მსახიობი ქალისთვის(ენ დოუდი). ბოლო წლის ცერემონიიდან კი სერიალი სახლში ემის სამი ჯილდოთი დაბრუნდა. მეორე სეზონის სამ სერია წარდგენილია ამ წლის ემის დაჯილდოვებაზე და 10 ნომინაცია აქვს მიღებული სხვადასხვა კატეგორიებში. სერიალის მესამე სეზონი კი 2020 წლის დაჯილდოებაში მიიღებს მონაწილეობას.

სერიალი მარგარეტ ეტვუდის ამავე სახელწოდების ნოველის მიხედვით არის გადაღებული. მხევლის წიგნში დისტოპიური სამყაროა აღწერილი: ამერიკის შეერთებული შტატები აღარ არსებობს, ძალაუფლება მთლიანად რელიგიური მამაკაცების ხელში აღმოჩნდა და დამყარდა ქრისტიანობის სახელით შენიღბული დიქტატურა.

რელიგიური მოტივებით, ქალებს წაერთვათ საკუთრების ფლობისა და საკუთარი ცხოვრების განკარგვის უფლება. ახლა ქალები კასტებად არიან დაყოფილნი და მთლიანად კაცებისა და ქვეყნის საჭიროებებს ემსახურებიან.