ჯვარი-მესტიის ცენტრალურ გზაზე ავარიის შედეგად 1996 წელს დაბადებული ჩინელი ტურისტი დაიღუპა.

შინაგან საქმეთა სამინისტროში On.ge-ს უთხრეს, რომ მანქანა, რომელსაც თავად ჩინეთის მოქალაქე მართავდა, ლახანის მონაკვეთთან გზის სავალი ნაწილიდან გადავიდა და ხევში გადავარდა.

გამოძიება სისხლის სამართლის კოდექსის 276-ე მუხლის მეექვსე ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.