პეკინისა და საბურთალოს ქუჩების კვეთაზე, პარლამენტის შენობასთან, არაყიშვილი-ფალიაშვილის ქუჩების კვეთაზე და მეტროსადგურ სადგურის მოედანთან, მტვრის ერთჯერადი კონცენტრაცია მ3-ზე, დასაშვებ ნორმას აღემატება. ამის შესახებ, გარემოს ეროვნული სააგენტოს სპეციალისტებმა ატმოსფერული ჰაერის, ნიადაგის, წყლის, ელ.მაგნიტური გამოსხივების და ხმაურის მონიტორინგის შედეგად დაადგინეს.

კვლევის თანახმად, ზღვრულად დასაშვები ერთჯერადი მაქსიმალური კონცენტრაცია მ3-ზე მტვრის ნაწილაკებისთვის არის 0,5მგ/მ3, მეტროსადგურ სადგურის მოედანთან კი მათი რაოდენობა - 0,532მგ/მ3-ია.

კვლევა 28 სექტემბერს დაიწყო და ეტაპობრივად, 3 ოქტომბრის ჩათვლით ხორციელდებოდა.

სპეციალისტებმა დაადგინეს ნარშირორჟანგის, აზოტის დიოქსიდის შემცველობა კვადრატულ მეტრზე, ასევე ელექტრო-მაგნიტური გამოსხივება კვადრატულ სანტიმეტრზე და ხმაურის დონე დეციბალებში.

კვლევის მიხედვით, დასაშვებ ნორმას აღემატება და ყველაზე ხმაურიანი ადგილებია მეტროსადგურ ავლაბართან, ვარკეთილთან და 300 არაგველთან.

გარემოს დაბინძურების ექსპრეს-ლაბორატორიის კვლევა თბილისში, თბილისის გარეუბნებსა და რუსთავში ჩატარდა. სააგენტოს სპეციალისტები მთელი დღის განმავლობაში გადაადგილდებოდნენ.

ფოტო: გარემოს ეროვნული სააგენტო