ამერიკის პროკურატურის განცხადებით, ფეხბურთელ კრიშტიანუ რონალდუს გაუპატიურების საქმეზე ბრალი არ წარედგინა.

იუვენტუსის მოთამაშე 34 წლის კეტრინ მეიორგამ დაადანაშაულა და თქვა, რომ ფეხბურთელმა ის ლას-ვეგასის სასტუმროში 2009 წელს გააუპატიურა. ბრალმდებელმა რონალდუს წინააღმდეგ დავა 2010 წლის სასამართლოს შეთანხმების საფუძველზე შეაჩერა, თუმცა 2018 წელს საქმე კვლავ გახსნა.

ფეხბურთელი ბრალდებას უარყოფს. ის ადასტურებს, რომ ლას-ვეგასის სასტუმროში მეიორგასთან სექსუალური კავშირი ჰქონდა, თუმცა ამტკიცებს, რომ ეს ორმხრივი თანხმობის საფუძველზე მოხდა.

ოფიციალური პირების განცხადებით, მსხვერპლმა თავდასხმის შესახებ პირველად 2009 წელს განაცხადა, თუმცა მან სავარაუდო დამნაშავე და სექსუალური ძალადობის ადგილი არ გაამჟღავნა. ამის შედეგად, სამართალდამცავებმა "საფუძვლიანი გამოძიება" ვერ წარმართეს.

2018 წელს, ლას-ვეგასის პოლიციამ მსხვერპლის განცხადების განცხადების საფუძველზე სავარაუდო დანაშაულის გამოძიება ხელმეორედ დაიწყო, თუმცა კვლავ უშედეგოდ.

ლას-ვეგასის პროკურატურის მიერ ორშაბათს გავრცელებულ განცხადებაში წერია, რომ მოსარჩელის ბრალდება ვერ დამტკიცდა:

"ამ დროისთვის ჩვენს ხელთ არსებული ინფორმაციით, სექსუალური ძალადობის ბრალდება კრიშტიანუ რონალდუს წინააღმდეგ, საფუძვლიანი ეჭვის მიუხედავად ვერ მტკიცდება. ასე რომ, მას სასჯელი არ ემუქრება".

ამბის შესახებ, პირველად გერმანიის ყოველკვირეულმა გაზეთმა Der Spiegel-მა დაწერა. მისი მიხედვით, 2010 წელს კეტრინმა რონალდუსთან შეთანხმებას მიაღწია და $375 ათასი დოლარი მიიღო იმისთვის, რომ ამ ბრალდებებს აღარასდროს გაასაჯაროებდა.

კეტრინ მეიორგას ადვოკატის თქმით, ის #MeToo კამპანიამ შთააგონა და საქმე ხელმეორედ ამიტომაც გახსნა.

2009 წელს რონალდუ მანჩესტერ იუნაიტედში თამაშობდა. ის მალე შეუერთდა მადრიდის რეალს, სადაც 9 წელი გაატარა. 2018 წლის ივლისში ის იუვენტუსს შეუერთდა. რონალდუმ მსოფლიოს საუკეთესო ფეხბურთელის ტიტული 5-ჯერ მიიღო, 2008, 2013, 2014, 2016 და 2017 წლებში.