ნინო ბურჯანაძემ საზოგადოებრივი მაუწყებლის ეთერში დებატებში მონაწილეობის დროს განაცხადა, რომ მისი პარტია გამარჯვების შემთხვევაში ქვეყანას გააერთიანებს და დაალაგებს ურთიერთობას რუსეთთან.

ბურჯანაძემ ასევე გააკრიტიკა პოლიტიკური ქართული ოცნება და ნაციონალური მოძრაობა დებატებში მონაწილეობის არ მიღების გამო:

"ის ფაქტი, რომ ხელისუფლება და ის ოპოზიციური ძალა, რომელიც ქვეყანაში მთავარ ოპოზიციურ ძალას ეძახის თავს, კიდევ ბევრი პრეტენზიის მქონე პარტია არ მოვიდა აქ, მეტყველებს მათ დამოკიდებულებაზე მოსახლეობის მიმართ".

ბურჯანაძის თქმით, მასაც დაკავებული დღე ჰქონდა, მაგრამ ყველაფერი გააკეთა, რომ ამ დებატებში ჩართულიყო:

"ჩემთვის მნიშვნელოვანია, დავარწმუნო ჩვენი ამომრჩეველი, რომ ჩვენი პროგრამა არის ყველაზე უკეთესი, ყველაზე ეფექტიანი, ყველაზე რეალისტური".

ნინო ბურჯანაძის თქმით, მისი პარტია ერთადერთია, რომელსაც საშინაო და საგარეო კუთხით გამორჩეული ხედვა აქვს.