სახელმწიფო უსაფრთხოების სამსახურის ინფორმაციით, თბილისის სამედიცინო უნივერსიტეტის საერთაშორისო ურთიერთობათა დეპარტამენტის მთავარი სპეციალისტი და კიდევ ერთი მოქალაქე ქრთმის აღებისა და ქრთამის აღებაში დახმარების ბრალდებით დააკავეს.

სუს-ის ცნობით, სამედიცინო უნივერსიტეტის თანამშრომელმა მოქალაქის დახმარებით, ამავე უნივერსიტეტში აბიტურიენტის ჩარიცხვისათვის საჭირო გასაუბრების წარმატებით გასავლელად მოქალაქეს ქრთამის სახით ათასი აშშ დოლარი გამოართვა.

გამოძიება სისხლის სამართლის კოდქსის 338-ე მუხლის პირველი ნაწილით მიმდინარეობს, რაც ქრთამის აღებასა და ქრთამის აღებაში დახმარებას გულისხმობს. ამ მუხლით გათვალისწინებულია პატიმრობა ექვსიდან ცხრა წლამდე.