ტელეწამყანი, ნანუკა ჟორჟოლიანი ამბობს, რომ როცა ქიბარ ხალვარში რუსთავი 2-ს მართავდა, ტელევიზიაში, ძირითადად, ნიუსების დასაბლოკად დადიოდა. ამის შესახებ ჟორჟოლიანმა საგანგებო ბრიფინგზე განაცხადა.

"ქიბარ ხალვაში ამ არხზე ერთელ უკვე მოვიდა. ისე, როგორც არასდროს, მახსოვს, ამ არხზე რა გააკეთა. მაშინაც ხელისუფლებამ მოაგზავნა... ეს არხი ისეთი წარუმატებელი, როგორიც ხალვაშის პერიოდში იყო, არ ყოფილა არასდროს. ძირითადად, ნიუსების დასაბლოკად მოდიოდა, აღარ ვჭამთ ამას, რაც მაშინ ვჭამეთ", — აღნიშნა ჟორჟოლიანმა.

ადამიანის უფლებათა ევროპულმა სასამართლომ რუსთავი 2-ის საქმეზე ადამიანის უფლებათა ევროპული კონვენციის არცერთი მუხლის დარღვევა არ დაადგინა. სტრასბურგის სასამართლომ ამ გადაწყვეტილებით თქვა, რომ რუსთავი 2 ქიბარ ხალვაშს ეკუთვნის და საქართველოს სამი ინსტანციის სასამართლოს მიერ მიღებული გადაწყვეტილებები კანონიერია. ამავე გადაწყვეტილებით, სტრასბურგის სასამართლომ აღარ დატოვა ძალაში აღსრულების დროებითი შეჩერების მექანიზმი. ამ მექანიზმის ამოქმედების გამო 2017 წელს არხი ქიბარ ხალვაშმა ვერ გადაიფორმა.