მედიის განვითარების ფონდი 2016 წლის ანგარიშში წერს, რომ პატრიოტთა ალიანსის სიის წევრები სხვადასხვა ტელევიზიაში წილებს ფლობენ.

კვლევაში აღნიშნულია, რომ საარჩევნო ბლოკის, დავით თარხან-მოურავი, ირმა ინაშვილი - პატრიოტთა ალიანსი - გაერთიანებული ოპოზიცია, სიაში 3 პირი მოხვდა, რომლებიც მაუწყებლებში გარკვეულ წილებს ფლობენ. ესენია: ნატო ჩხეიძე, რომელიც იბერია ტვ-ის 30 პროცენტის, ხოლო ზაზა ოქუაშვილი - იბერია ტვ-ის 70 პროცენტის მფლობელია. ამასთან, დავით ზილფიმიანი - I სტერეოს 22 პროცენტისა და სტერეო პლიუსის-ის 50 პროცენტის მფლობელია.

მედიის განვითარების ფონდი 2016 წლის ანგარიშს აქვეყნებს, რომელიც მედიის თავისუფლების მხრივ საქართველოში არსებულ მდგომარეობას მიმოიხილავს. ანგარიში 2016 წლის 1 იანვრიდან 23 სექტემბრის ჩათვლით პერიოდს მოიცავს.