ბიზნესმენი ლევან ვასაძე ამბობს, რომ ანტისაოკუპაციო აქციას, რომელიც ორ კვირაზე მეტია თბილისის პარლამენტის შენობასთან იმათება, უერთდება. თუმცა ის არ იზიარებს ამ აქციის მოთხოვნას შინაგან საქმეთა მინისტრის, გიორგი გახარიას გადადგომის შესახებ.

"რუსული ოკუპაციის გზაზე ჩვენ ყველა ერთნი ვართ. არავითარი წინააღმდეგობა ამ ოკუპაციის საწინააღმდეგო ხალხთან არ გვაქვს... ვუერთდები კი არა, სანამ ეგენი გაიღვიძებდნენ, მთელი ჩემი ცხოვრება მიძღვნილი მაქვს, რომ საქართველო გამთლიანდეს. ამის შესახებ არაერთი ლექცია მაქვს, მილიონი წერილი მაქვს, მილიონი შეხვედრა მაქვს [გამართული]", — აღნიშნა ვასაძემ.

ლევან ვასაძე, გურამ ფალავანდიშვილი და მართლმადიდებელ მშობელთა კავშირის წევრები თბილისში პარლამენტის შონაბასთან იმ ადგილზე შეიკრიბნენ, სადაც ორ კვირაზე მეტია ანტისაოკუპაციო აქცია იმართება. ამ აქციის მოთხოვნაა გიორგი გახარიას გადადგომა.