დისნეიმ Mulan-ის ახალი, ლაივ ექშენ ფილმის ტიზერი გაავრცელა, რომელშიც ჩინელი მსახიობი ლიუ იფეი თამაშობს. თიზერის დებიუტი ქალთა ფეხბურთის ფიფას მსოფლიო ჩემპიონატზე შედგა. მულანი ბრძოლისთვის ემზადება. გვაჩვენებს თუ როგორ ფლობს ხმალს.

რიმეიქი ორიგინალი ანიმაციური ფილმის კადრებს იმეორებს. მაგალითად: საოჯახო სცენა, სადაც მულანს ეუბნებიან, რომ მაჭანკალმა ძალიან პერსპექტიული კანდიდატი იპოვა.

ტიზერში ვერ ვხედავთ მულანის განუყრელ მეგობრებს, უცნაურ წყვილს, პატარა დრაკონს მუშუს და ჭრიჭინა კრიკის. ფილმში სხვადასხვა ვარსკვლავებს შევხვდებით, ჩინეთის იმპერატორის როლს ჯეტ ლი შეასრულებს, გონგ ლი კი ძლევამოსილი ჯადოქარი იქნება, დონი იენი კი მულანის მენტორის, მეთაური ტუნგის როლს მოირგებს. იოსონ ენი კი კაპიტანი ჩენ ჰონგუის როლს ითამაშებს, რომელიც მულანის სიყვარულის ობიექტი ხდება.

ფილმის რეჟისორი ნიკი ქაროისია, პრემიერა კი 2020 წლის 27 მარტს შედგება.