"შეიძლება მთელი ზაფხული აქ ვიდგეთ, არაუშავს" — ამ სიტყვებით დასრულდა 4 ივლისს აქცია-კონცერტი #სირცხვილია, რომლის მიზანიც შინაგან საქმეთა მინისტრის, გიორგი გახარიას გადადგომაა. აქციის მონაწილეები 5 ივლისსაც თბილისში, პარლამენტის შენობის წინ შეიკრიბებიან.

5 ივლისს პროტესტის მეთექვსმეტე დღეა. მოქალაქეებმა რუსთაველის გამზირზე შეკრება მას შემდეგ დაიწყეს, რაც რუსეთის დეპუტატი საქართველოში ჩამოვიდა და საქართველოს პარლამენტის შენობაში პარლამენტის თავმჯდომარის ადგილი დაიკავა. იმავე საღამოს, 20 ივნისის გამართული რამდენიმეათასიანი აქცია შინაგან საქმეთა სამინისტრომ ძალის გადამეტებით დაშალა, ორმა ადამიანმა სპეცრაზმელის ტყვიით დაკარგა თვალი. სწორედ ამ დროიდან გაჩნდა გახარიას გადადგომის მოთხოვნა.